ڈیرہ اسماعیل خان (آن لائن) ایم ایم اے کے سربراہ مولانا فضل رحمان نے کہا ہے کہ الیکشن کے موقع پر نواز شریف کو جیل میں رکھنا اچھا فیصلہ نہیں ہے لیکن اب عدالتوں کے فیصلوں میں بھی مداخلت نہیں کی جاسکتی ۔
اپنے آبائی حلقہ ڈی آئی خان میں ووٹ کاسٹ کرنے کے بعد میڈیا سے گفتگو کرتے ہوئے فضل الرحمن نے الیکشن کمیشن کے انتظامات پر اطمینان کااظہار کرتے ہوئے کہا کہ الیکشن کمیشن کے انتظامات اچھے تھے اور عملے نے بھی پورے ضابطے کے مطابق کام کیا۔
