راولپنڈی(سی پی پی)ایفی ڈرین کیس میں قید حنیف عباسی نے اپیل پر دستخط کر دیئے ،اپیل آج جمعرات کو عدالت میں پیش کئے جانے کا امکان ہے۔اپیل حنیف عباسی کے وکلاطالب حسین،فیض احمد چیمہ اور طیب حسین نے تیار کی ہے جس پر حنیف عباسی نے اڈیالہ جیل میں اپیل پر دستخط کئے ۔

حنیف عباسی کے وکلا کی جانب سے لاہور ہائی کورٹ میں اپیل دائر کئے جانے کا امکان ہے۔واضح رہے کہ پاکستان مسلم لیگ ن کے رہنما حنیف عباسی کوراولپنڈی کی انسداد منشیات کی عدالت نے ایفی ڈرین کیس میں عمر قید کی سزا سنائی تھی ۔