اسلام آباد(مانیٹرنگ ڈیسک)پاکستان کا ایسا حلقہ جہاں کے پولنگ سٹیشن کا عملہ ابھی تک پہنچ ہی نہیں سکا، ایک ووٹ بھی کاسٹ نہ ہو سکا۔ نجی ٹی وی سما کی رپورٹ کے مطابق پاکستان کا ایسا حلقہ بھی ہے جہاں کے پولنگ سٹیشن کا عملہ پولنگ کا آدھا وقت گزر جانے کے باوجود ابھی تک پولنگ سٹیشن پر ہی نہیں پہنچا اور ووٹر ووٹ کاسٹ کرنے
سے محروم ہیں۔حلقہ این اے 241کراچی کے اس پولنگ سٹیشن میں ایک ووٹ بھی کاسٹ نہیں کیا جا سکا۔ دلچسپ بات یہ ہے کہ ووٹر اور سکیورٹی عملہ تو پولنگ سٹیشن پر موجود ہے تاہم پولنگ افسران و عملہ تاحال غائب ہے۔نجی ٹی وی رپورٹ کے مطابق پولنگ عملے کو کل رات کو ہی پولنگ سٹیشن پر پہنچ جانا چاہئے تھا تاہم وہ تاحال پولنگ سٹیشن پر آئے ہی نہیں۔
