گوجرانوالہ (آئی این پی) رہنما مسلم لیگ (ن) خرم دستگیر نے کہا ہے کہ زمین پر خلائی مخلوق نہیں خدا کی مخلوق ہے‘ اگلے وزیراعظم شہباز شریف ہونگے‘ کسی ووٹر کو ہراساں کرنے کی شکایت نہیں ملی۔ بدھ کو میڈیا سے گفتگو کرتے ہوئے خرم دستگیر نے کہا کہ ابھی تک الیکشن پرامن ہورہے ہیں۔ اگلے وزیراعظم شہباز شریف ہونگے۔ خلائی مخلوق زمین پر نظر نہیں آئی۔ زمین پر خلائی مخلوق نہیں خدا کی مخلوق ہے۔ کسی ووٹر کو ہراساں کرنے کی شکایت نہیں ملی۔ کچھ حلقوں پر شکایات موصول ہوئیں جنہیں حل کیا گیا۔