اسلام آباد(این این آئی)صدر مملکت ممنون حسین نے سابق وزیر اعظم محمد نواز شریف کی خرابء صحت سے متعلق خبروں پر تشویش کا اظہار کیا ہے۔انھوں نے اس سلسلے میں نگراں وزیر اعظم جسٹس ریٹائرڈ ناصر الملک سے ٹیلی پر بات کی۔
صدر مملکت نے وزیر اعظم کو ہدایت کی کہ وہ سابق وزیر اعظم محمد نواز شریف کے مکمل علاج کو یقینی بنائیں۔ انھوں نے ہدایت کی کہ سابق وزیر اعظم کو علاج معالجے کی مکمل اور درکارسہولتیں فراہم کی جائیں۔
