لاہور(سی پی پی)پاکستان تحریک انصاف کے چیئرمین عمران خان کی رہائشگاہ پر مسلسل دوسرے روز بھی تین کالے بکروں کاصدقہ دیاگیا ۔ بتایا گیا ہے کہ عمران خان کی رہائشگاہ پر انتخابات کے دن تک ہر روز تین کالے بکرے صدقہ کرنے کا فیصلہ کیا گیا ہے۔کالے بکروں کا صدقہ انتخابات کے پرامن انعقاد، کامیابی اور عمران خان کی سلامتی کیلئے دیا جارہا ہے ۔
علاوہ ازیں سیاسی جماعتوں اور آزا د انتخاب لڑنے والے امیدواروں کی جانب سے بھی اپنی کامیابی کیلئے صدقات دئیے جارہے ہیں ۔ بعض امیدواروں کے اہل خانہ کی جانب سے اپنی رہائشگاہوں پر مسلسل قرآن خوانی اور نعت خوانی کی محافل کا بھی انعقاد کیا جارہا ہے ۔
