اسلام آباد ؍لاہور (نیوز ڈیسک) قومی احتساب بیورو(نیب) نے سوئی گیس کرپشن کیس میں پاکستان مسلم لیگ (ن) کے رہنما و سابق وفاقی وزیر امور کشمیر و گلگت بلتستان برجیس طاہر کو 20جولائی کو طلب کرلیا،برجیس طاہر پر قومی اسمبلی کے حلقہ 135میں سوئی گیس منصوبے میں مبینہ طور پر کرپشن کا الزام ہے۔ ذرائع کے مطابق نیب لاہور نے پاکستان مسلم لیگ (ن) کے رہنما و سابق وفاقی وزیر امور
کشمیر و گلگت بلتستان برجیس طاہر کو قومی اسمبلی کے حلقہ 135میں سوئی گیس کے منصوبے میں مبینہ کرپشن پر 20جولائی کو طلب کرلیا ہے، برجیس طاہر کو طلبی کا نوٹس نیب لاہور کی طرف سے جاری کیا گیا ہے۔ واضح رہے کہ عدالت کی طرف سے مذکورہ منصوبے میں مبینہ کرپشن پر نیب کو برجیس طاہر و دیگر ملزمان کے خلاف ریفرنس تیار کرنے کی ہدایت کی گئی ہے۔
