اسلام آباد(مانیٹرنگ ڈیسک)وفاقی دارالحکومت اسلام آباد کے پشاورموڑ اتوار بازار میں آگ گئی ۔نجی ٹی وی کے مطابق آتشزدگی کا واقعہ اسلام آباد کے علاقہ پشاورموڑ اتوار بازار میں پیش آیا ہے اور آگ کی شدت میں مسلسل اضافہ ہوتا جا رہا ہے ،گارمنٹس کی دکانیں زیادہ ہونے کے باعث مسائل کاسامنا ہے جبکہ یہاں پر عوام کا بھی کافی رش ہوتا ہے واضح رہے اسی مقام پر قریب سے میٹروبس بھی گزرتی
ہے اور قریب میں ہی جنگل ہونے کے باعث امدادی کاموں میں رکاوٹ کا سامنا ہے ۔ریسکیو حکام کا کہنا تھا کہ تاحال آگ لگنے کی وجہ معلوم نہیں ہوسکی لیکن فائر بریگیڈ کی 5گاڑیاں آگ بھجانے میں مصروف ہیں جبکہ 50سے زائد دکانیں جل کر راکھ ہو گئی ہیں۔واضح رہے کہ اس سے پہلے بھی پشاور موڑ اتوار بازار میں آ گ لگ گئی تھی جس کے باعث سٹال مالکان کا لاکھوں کا نقصان ہوا تھا۔
