لاہور(این این آئی) مسلم لیگ (ن) کے مرکزی رہنما حمزہ شہبازنے کہاکہ لیگ ن نے ہمیشہ عوام کی خدمت کی ہے،25جولائی کوعوام شیر پر مہر لگائے گی،13 جولائی کے شاندار مظاہرے پر قوم کے شکرگزار ہیں، نواز شریف نے اپنے حصے کا کام کر دیا اب قوم اپنا فرض ادا کرے گی۔ان خیالات کااظہارانہوں نے کارکنوں سے ملاقات کے دوران گفتگوکرتے ہوئے کیا ۔ انہوں نے کہاکہ قوم کے محسنوں کو

سزا کی مذموم روایت ختم ہو کر رہے گی، نواز شریف پاکستان، جمہوریت اور سیاست کی نئی قابل فخر تاریخ کا آغاز ہیں، ان کے حوصلے بلند ہیں، 25 جولائی کو جیت ن لیگ کی ہوگی۔حمزہ شہبازشریف نے دہشتگردی کی نئی لہر پر اظہار تشویش، شہدا اور زخمیوں کے لواحقین سے اظہار یکجہتی کرتے ہوئے کہا کہ ایسیسانحے حکومت اور سکیورٹی کے ذمہ داروں کی کارکردگی پر سوالیہ نشان ہیں۔