اسلام آباد(مانیٹرنگ ڈیسک)اڈیالہ جیل کے باہر حیران کن صورتحال،مریم اورنگزیب اور سردار نسیم کی قیادت میں نواز شریف کےجیل کے تیسرے روز ن لیگی خواتین کی بڑی تعداد پھولوں کے گلدستے لیکر جیل کے باہر پہنچ گئی۔شدید نعرے بازی، مریم اورنگزیب کی مخالفین پر سکت تنقید۔ تفصیلات کے مطابق مسلم لیگ ن کے قائد نواز شریف اور ان کی صاحبزادی مریم نواز کو آج اڈیالہ جیل میں تیسرا روز ہونے کو ہے اور اس دوران اڈیالہ جیل کے باہر مسلم لیگ ن کی خواتین کی بڑی تعداد
بڑا سرپرائز دیتے ہوئے ہاتھوں میں گلدستے تھامے مریم اورنگزیب اور سردار نسیم کی قیادت میں پہنچ گئی اور اس دوران خواتین ورکرز کی جانب سے شدید نعرے بازی بھی دیکھنے میں آئی۔ اس موقع پر میڈیا سے گفتگو کرتے ہوئے مریم اورنگزیب کا کہنا تھا کہ نواز شریف کا ووٹ کو عزت دو کا بیانیہ ملک بھر میں پھیل چکا ہے اور 25جولائی کو عوام شیر پر مہر لگا کر اس بات کو ثابت کرینگے۔ انہوں نے اپنی سیاسی حریت جماعت تحریک انصاف پر بھی شدید تنقید کی۔
