راولپنڈی(مانیٹرنگ ڈیسک ) جیل کے کھانے سے مریم نواز کی طبیعت خراب ،معدے میں تکلیف کے باعث بار بار چہل قدمی ،جیل حکام کی دوڑیں لگ گئیں۔مقامی اخبار رپورٹ کے مطابق نواز شریف کی صاحبزادی مریم نواز کی جیل کے کھانے کے باعث طبیعت خراب ہو گئی ہے اور معدے میں تکلیف کے باعث بار بار چہل قدمی کرتی رہیں ہیں جس کے باعث جیل حکام کی بھی دوڑیںلگی رہیں۔
مریم نواز دو روز سے جیل کا کھانا اور چائے پی رہی ہیں جس کے باعث انہوں نے معدہ میں تکلیف محسوس کی اور گزشتہ روز یہ تکلیف بڑھ جانے کے باعث جیل حکام سے شکایت کی ،ڈاکٹروں نے معمول کا چیک اپ کرنے کے بعد انہیں بیرک میں چہل قدمی کی ہدایات کی۔اخباری ذرائع کے مطابق ان کی صحت اب بہتر ہے جس پر جیل حکام نے مریم نواز سے بات چیت کے بعد سکھ کا سانس لیا۔
