اسلام آباد( آئی این پی )حلقہ این اے 53 کے علماء اکرام نے پیپلز پارٹی کے امیدوار سبط الحیدر بخاری کی حمایت کا اعلان کردیا۔تفصیلات کے مطابق پیپلز پارٹی کو حلقہ این اے 53 میں بڑی کامیابی مل گئی ،پیپلز پارٹی حلقہ کے علماء اکرام کی حمایت حاصل کرنے میں کامیاب ہوگئی ،حلقہ این اے 53 کے علماء اکرام نے پیپلز پارٹی کے امیدوار سبط الحیدر بخاری کی حمایت کا اعلان کردیا،
علماء نے پیپلز پارٹی کے سیکرٹری جنرل نیر بخاری اور سبط الحیدر بخاری سے ملاقات کے بعد حمایت کا اعلان کیا، علماء کا کہنا تھا کہ پیپلز پارٹی اور بھٹو شہید کے فیصلوں کو قدر کی نگاہ سے دیکھتے ہیں،ختم نبوت سے متعلق پیپلز پارٹی کا موقف واضح ہے، پیپلز پارٹی کے امیدوار سبط الحیدر بخاری کی بھرپور حمایت کا اعلان کرتے ہیں۔
