لاہور (مانیٹرنگ ڈیسک )تحریک انصاف کی رہنمااور این اے 125سے امیدوار رکن اسمبلی یاسمین راشد نے ن لیگ کے ووٹرز کو گدھا کہنے پر عمران خان کے بیان پر کہا ہے کہ چیئرمین پاکستان تحریک انصاف عمران خان کو ووٹرز کیلئے یہ الفاظ نہیں استعمال کرنے چاہیے تھے یہ مناسب الفاظ نہیں ہیں ۔ خبر کی تفصیلات کے مطابق عمران خان نے ایک جلسے میں نواز شریف کا استقبال کرنے والے
لیگی کارکنوں کیلئے گدھے کا لفظ استعما ل کیا تھا جسے ن لیگی رہنمائوں نے کافی تنقید کا نشانہ بنایا ۔ تاہم ابھی تازہ ترین بیان میں تحریک انصاف کی رہنما یاسمین راشد نے عمران خان کے الفاظ پر کہا ہے کہ انہیں ووٹرز کیلئے ایسے الفاظ نہیں استعمال کرنے چاہیے کیونکہ یہ مناسب نہیں ہیں ۔ ان کا کہناتھا کہ انسان کی طرف سے کئی دفعہ جذبات میں آ کر ایسی بات نکل جاتی ہے ۔
