اسلام آباد (نیوز ڈیسک) پاکستان مسلم لیگ (ن) کے سینئر رہنما و سابق وزیر ریلوے خواجہ سعد رفیق نے کہا ہے کہ جلن سے اعتزاز احسن کی آنکھ میں ککرے پڑگئے ہیں، نوازشریف کے استقبال کیلئے نکلنے والی ریلی میں شروع سے آخر تک ساتھ رہا ،ججوں کی بحالی تحریک میں نواز شریف کے سڑکوں پر نہ آنے تک اعتزاز احسن اپنے گھر میں دبکے رہے تھے ۔پیپلز پارٹی کی سینئر رہنما اعتراز احسن کی طرف سے مسلم لیگ (ن) کی قیادت اور رہنماؤں کی طرف

سے نوازشریف اور مریم نواز کو دھوکہ دینے کے بیان پر سعد رفیق نے ردعمل دیتے ہوئے کہا کہ جلن سے اعتزاز احسن کی آنکھ میں ککرے پڑگئے ہیں،نوازشریف کے استقبال کیلئے نکلنے والی ریلی میں شروع سے آخر تک ساتھ رہا ۔انہوں نے کہا کہ ججوں کی بحالی تحریک میں اعتزاز احسن اپنے گھر میں دبکے رہے تھے ۔انہوں نے کہا کہ ججوں کی بحالی کی تحریک میں جب تک نواز شریف سڑکوں پر نہیں آئے اعتزاز احسن اپنے گھر سے باہر نہیں نکلے ۔

موضوعات:خواجہ سعد رفیق