اسلام آباد(مانیٹرنگ ڈیسک)ایون فیلڈ ریفرنس میں ایک سال قید کی سزا پانے والے سابق وزیراعظم نواز شریف کے داماد کیپٹن صفدر سے قید ی کی ملاقات، دونوں کے درمیان مریم نواز سے متعلق دلچسپ مکالمہ۔ تفصیلات کے مطابق سابق وزیراعظم نواز شریف کے داماد کیپٹن صفدر جو ایون فیلڈ ریفرنس میں ایک سال قید بامشقت کی سزا کے تحت اڈیالہ جیل میں
قید ہیں سے ایک قیدی نے نواز شریف اور مریم نواز کی اڈیالہ جیل منتقلی کے بعد ملاقات کی ۔ اس ملاقات میں قیدی نے کیپٹن صفدر کو پہلے سلام کیا پھر ان سے مخاطب ہوتے ہوئے کہا کہ سر! کیا مریم بی بی بھی جیل میں قید کاٹیں گی ، آپ ان کی ضمانت کیوں نہیں کروا لیتے؟ کیپٹن صفدر پہلے تو قیدی کے سوال پر حیران ہوئے پھر مسکراتے ہوئے جواب دیا کہ اللہ ہی بہتر جانتا ہے۔
