اسلام آباد(مانیٹرنگ ڈیسک)سابق وزیراعظم نواز شریف اور ان کی صاحبزادی مریم نواز نے رات اڈیالہ جیل میں گزاری، نجی ٹی وی سما کے مطابق سابق وزیراعظم نواز شریف اور مریم نواز کو رات انتہائی حبس زدہ بیرک میں گزارنا پڑی جہاں ائیرکنڈیشنر کا بندوبست نہیں ہے ۔ نواز شریف کو اس بیرک میں رکھا گیا ہے جہاں پیپلزپارٹی کے سابق وزیراعظم یوسف رضا گیلانی قید کاٹ چکے ہیں
جبکہ مریم نواز کو ایان علی والی بیرک میں رکھا گیا ہے ۔ جیل حکام کا کہنا بیرکس میں صرف پنکھے کی سہولیات میسر ہیں۔ ذرائع کے مطابق مریم نواز جنہیں سہالہ ریسٹ ہائوس منتقل کیا جانا تھا وہاں ائیر کنڈیشنر کی سہولت میسر ہے تاہم انہوں نے اپنے والد کے ساتھ اڈیالہ جیل جانے کو ترجیح دیتے ہوئے سہالہ ریسٹ ہائوس جانے سے انکار کر دیا تھا جس کے بعد عدالتی حکم کے مطابق دونوں کو اڈیالہ جیل منتقل کر دیا گیا۔
