لاہور(نیوز ڈیسک) پاکستان مسلم لیگ (ن) کے قائد محمد نواز شریف نے کہا ہے کہ 70سال سے جو رسوائی جھیلتے رہے اب اس سے نجات حاصل کرنی ہے،ملک بھر میں جگہ جگہ رکاوٹیں کھڑی کی گئیں اور میدان جنگ بنادیا گیا ہے،نواز شریف نہیں انقلاب آیا ہے۔ابو ظہبی سے لاہور سفر کے دوران گفتگو کرتے ہوئے نواز شریف نے کہا کہ

اپنے ملک اور اس کی عوام کے لئے ہر قربانی دینے کے لئے تیار ہوں ۔ انہوں نے کہا کہ 70سال سے جو رسوائی جھیلتے رہے اس سے نجات حاصل کرنی ہے او رپوری قوم کو اس کے لئے جدوجہد کرنا ہو گی ۔انہوں نے کہا کہ مسلم لیگ (ن) کے کارکن پر امن طریقے سے استقبال کے لئے آرہے تھے لیکن جگہ جگہ رکاوٹیں کھڑے کر کے ملک کو میدان جنگ بنا دیا گیا۔