کراچی(مانیٹرنگ ڈیسک)سندھ میں منی لانڈرنگ کے معاملہ میں بے نامی اکاؤنٹس سے سپر ماڈل ایان علی کو بھی رقم جاری ہونے کا انکشاف ہوا ہے جبکہ آصف علی زرداری کے قریبی ساتھی انور مجید کی شریک حیات کیلئے لاکھوں کی پینٹنگز بھی خریدی گئیں۔سندھ منی لانڈرنگ اسکینڈل پاناما سے بڑا ہنگامہ بن گیا ، بے نامی اکاؤنٹس سے ماڈل ایان کی فرمائشیں پوری ہونے کاانکشاف ہوا ہے۔
سپر ماڈل ایان علی کے سفری اخراجات بھی بے نامی اکاؤنٹس سے پورے ہوتے رہے، نامور وکیل کو بھی انہی اکاؤنٹس سے نوازا گیا۔اے ون انٹرنیشنل بے نامی اکاؤنٹ جعلسازی سے کھلوایا گیا، 25 ہزار کمانے والے طارق کو اے ون انٹرنیشنل کا مالک ظاہر کیا گیا۔آصف علی زرداری کے قریبی ساتھی انورمجید کی اہلیہ نے بھی جعلی اکاؤنٹس سے خوب فائدہ اٹھایا، انورمجید کی اہلیہ نے35لاکھ روپے کی پینٹنگز خریدیں۔
