لاہور(مانیٹرنگ ڈیسک )لاہور میں امام مسجد کے تشدد سے 7سالہ بچہ جاں بحق ہو گیا۔ ملزم نے مبینہ طور پر موبائل فون پر بیلنس لوڈ نہ کرانے پر بچے کو لوہے کا راڈ مارا، پولیس نے ملزم کو گرفتار کر لیا۔واقعہ تھانہ شالیمار کی حدود میں پیش آیا۔ دو روز قبل امام مسجد نے 7 سالہ عبد الاحد کو موبائل فون کا بیلنس لوڈ کرانے کا کہا۔
بچہ بیلنس لوڈ نہ کراسکا جس پر امام مسجد احمد رضا نے لوہے کا راڈ مارا۔بچے کو تشویشناک حالت میں میو ہسپتال منتقل کیا گیا۔ جہاں وہ دم توڑ گیا، پولیس نے ملزم کو گرفتار کر کے کارروائی شروع کر دی۔دوسری جانب بچے کے اہلخانہ نے اعلی حکام سے مدداور انصاف کی اپیل کردی ہے ۔
