کراچی(نیوز ڈیسک) گزشتہ مالی سال 2017-18 کا بجٹ خسارہ پورا کرنے کیلئے وفاقی حکومت نے 58.48 فیصد زائد قرضے لئے ہیں۔ اسٹیٹ بینک آف پاکستان کی جانب سے جاری کردہ رپورٹ کے مطابق گزشتہ مالی سال کے دوران حکومت کی جانب سے بجٹ خسارہ پورا کرنے کیلئے حاصل کردہ قرضوں کا حجم 1.439کھرب روپے تک بڑھ گیا جبکہ مالی سال2016-17 کے دوران حکومتی قرضوں کا حجم 908 ارب روپے رہا تھا۔

اس طرح مالی سال2016-17 کے مقابلے میں مالی سال2017-18 کے دوران وفاقی حکومت کی جانب سی531 ارب روپے زیادہ قرضہ جات حاصل کئے گئے ہیں۔وفاقی حکومت نے گزشتہ مالی سال کے دوران کمرشل بینکوں کو قرضوں کی ادائیگی کی مد میں 76.754 ارب روپے بھی دئیے جبکہ مالی سال 2016-17 کے دوران کمرشل بینکوں سے حاصل کردہ قرضوں کا حجم 179.3 ارب روپے ریکارڈ کیا گیا تھا۔

موضوعات:سٹیٹ بینک آف پاکستان