اسلام آباد(مانیـٹرنگ ڈیسک)مولانا فضل الرحمن کو بـڑا سیاسی دھچکا ، جمعیت علمائے اسلام ف کے رکن خیبرپختونخوا اسمبلی مولانا عصمت اللہ مستعفی ، پی ٹی آئی امیدوار کی حمایت کا اعلان کر دیا۔ تفصیلات کے مطابق مولانا فضل الرحمان کی جماعت کے رکن صوبائی اسمبلی مولانا عصمت اللہ جو کہ حلقہ پی کے 62 کوہستان ٹو سے ممبرخیبرپختونخوا اسمبلی تھے نے ضمنی انتخاب

میں پاکستان تحریک انصاف کے امیدوار زرگل کی حمایت میں استعفیٰ دے دیا ہے۔مولانا عصمت اللہ نے کہا کہ استعفیٰ پی ٹی آئی کے اسلام دوست اقدامات کی بدولت دیا،پی ٹی آئی میں شمولیت کا فیصلہ نہیں کیا۔دوسری جانب سربراہ جمعیت علماءاسلام (ف) سربراہ مولانا فضل الرحمان نےلاعلمی کا اظہار کرتے ہوئے کہا کہ مولاناعصمت اللہ کے استعفیٰ دینے بارے علم نہیں ہے۔