کراچی(آئی این پی)انسداد دہشتگردی کی خصوصی عدالت نے پی ٹی آئی کی مقتول رہنماء زہرہ شاہد کے قتل کے مقدمے میں سرکاری گواہ کے پیش نہ ہونے پر گواہ ملزم کے 26 جنوری تک ناقابل ضمانت وارنٹ گرفتاری جاری کرتے ہوئے ملزم کو گرفتار کر کے عدالت میں پیش کرنے کا حکم دیا ہے،جمعہ مقدمے کی سماعت کے موقع پر عدالت کو بتایا گیا کہ ملزم عدالت میں گواہی کے لئے پیش ہونے کے لئے نہیں آرہا ہے اور تلاش کرنے کے باجود نہیں مل رہا ہے،جس پر عدالت نے ناقابل ضمانت وارنٹ جاری کرتے ہوئے سماعت ملتوی کردی،
واضح رہے کہ ذہرہ شاہد کو 2013 میں ان کی رہائش گاہ کے سامنے گولیوں کا نشانہ بنا کر قتل کردیا گیا تھا،جس کے بعد قتل کے الزام میں 4 ملزمان راشد عرف ٹیلر،صابر عباس زیدی،عرفان عرف لمبا اور کلیم کو گرفتار کیا گیا تھا۔
