پشاور(نیوزڈیسک) کرپشن اور غیر قانونی اثاثوں کے الزام میں گرفتار اے این پی کے سابق وزیر اعلی امیر حیدر ہوتی کے مشیر خاص معصوم شاہ کو سخت سیکورٹی میں پیر کے روز احتساب عدالت میں پیش کیا گیا ۔ نیب نے عدالت سے معصوم شاہ کے پندرہ روزہ جسمانی ریمانڈ کی درخواست کی ۔ احتساب جج نے سماعت کے بعد معصوم شاہ کو دس روزہ جسمانی ریمانڈ پر نیب کے حوالے کر دیا۔ دوسری جانب قومی احتساب بیورو نے ایک بنک میں معصوم شاہ کا خفیہ لاکر بھی دریافت کیا جس سے پانچ کلو سونا برآمد ہوا ہے۔ نیب
نے سونا تحویل میں لے کر تفتیش شروع کر دی ہے۔ -