اسلام آباد(این این آئی)پی ٹی آئی خیبرپختونخوا میں اختلافات کھل کر سامنے آگئے اور سینئر رہنما عاطف خان کے خلاف وزیر اعلیٰ علی امین کی مبینہ آڈیو وائرل ہوگئی۔میڈیا رپورٹ کے مطابق پی ٹی آئی کی قیادت میں اختلافات سامنے آگئے،
سینئر رہنما عاطف خان سے متعلق مبینہ آڈیو میں وزیراعلیٰ خیبر پختونخوا علی امین گنڈا پور نے کہا کہ عاطف خان حیثیت کی بات نہ کرے، سب کو پتا ہے کس کی کیا حیثیت ہے۔مبینہ آڈیو میں انہیں عاطف خان سے متعلق کہتے ہوئے سنا گیا کہ وہ کہانیاں نہ بنائے، انکوئری کا سامنا کرے، دھمکیوں سے باز رہے، پہلے ہی بڑا برداشت کررہا ہوں۔اس میں سنا گیاکہ عاطف خان اتنا اہم نہیں ہے، میرے پاس وقت بھی نہیں ہے۔
