اسلام آباد (این این آئی)بانی چیئرمین پاکستان تحریک انصاف نے پارٹی رہنمائوں کو پریشر نہ لینے کی ہدایت کردی۔ذرائع پی ٹی آئی کے مطابق پارٹی رہنمائوں نے بانی چیئرمین سے اڈیالہ جیل راولپنڈی میں ملاقات کی، اس دوران عمران خان نے کہا کہ آپ لوگ پریشر نہ لیں۔ذرائع کے مطابق بانی پی ٹی آئی نے پارٹی رہنمائوں سے کہا کہ آئینی ترمیم حساس معاملہ ہے، اس پر مزید مشاورت کی ضرورت ہے۔

ذرائع پی ٹی آئی کے مطابق بانی چیئرمین نے کہا کہ اگر حکومت عجلت میں آئینی ترمیم لائی ہے تو اس کی مخالفت کی جائے گی۔پی ٹی آئی کے 5 رکنی وفد نے بانی چیئرمین سے ملاقات کی، ملاقات کرنے والوں میں بیرسٹر گوہر، سلمان اکرم راجا، اسد قیصر، علی ظفر اور حامد رضا شامل تھے۔ذرائع کے مطابق دوران ملاقات ملکی سیاسی صورتحال اور کیسز سے متعلق بھی گفتگو کی، جس کے بعد پریس کانفرنس کیلیے پارٹی وفد جیل سے روانہ ہوا۔