اسلام آباد (این این آئی) بانی پی ٹی آئی عمران خان کی ہدایت کے بعد شیر افضل مروت کی پارٹی کی بنیادی رکنیت معطل کردی گئی۔نجی ٹی وی کے مطابق پارٹی رہنمائوں نے جمعرات کو اڈیالہ جیل میں عمران خان سے ملاقات کی جس میں بانی پی ٹی آئی نے پارٹی قیادت کو پارٹی پالیسی کی خلاف ورزی کرنیوالوں کیخلاف ایکشن کا اختیار دیا تھا اور شیر افضل مروت کی پارٹی رکنیت معطل کرنے کی ہدایت کی تھی ۔
عمران خان سے ملاقات کے بعد سیکرٹری جنرل پی ٹی آئی عمر ایوب نے پارٹی ڈسپلن کی خلاف ورزی سے متعلق انکوائری کمیٹی تشکیل دے دی ہے جس میں رئوف حسن، بریگیڈیئر ریٹائرڈ مصدق ملک، فردوس شمیم نقوی اور دائود خان کاکڑ شامل ہیں جس کا نوٹیفکیشن بھی جاری کردیا گیا ہے۔
