سرگودھا(این این آئی)انسداد دہشتگردی کی خصوصی عدالت نے 9مئی کے واقعات پر تھانہ سٹی میانوالی میں درج دو مقدمات کا فیصلہ سناتے ہوئے امجد علی خان نیازی سمیت 70ملزمان کو باعزت بری کردیا گیا۔
تفصیلات کے مطابق انسداد دہشت گردی عدالت سے سابق ایم این اے امجد خان نیازی سمیت دو ملزمان کے بری ہونے کے فیصلہ پر وکیل جواد مظہر دھون نے کہا کہ حق اور سچ کی فتح ہوئی اورجیل میں بند امجد خان نیازی سمیت دیگر ملزمان کو عدالت سے بری کردیا گیا کیونکہ مقدمات میں ایک سو سے زائد شہادتیں پیش ہوئی لیکن کوئی ٹھوس شہادت پیش نہ ہونے پر فاضل عدالت نے بری کردیا ۔بتایا گیا کہ ڈسٹرکٹ جیل میں اسیر سابق رکن قومی اسمبلی امجد خان نیازی،امیر سوانسی اور برضمانت احسان اللہ ٹوانہ سمیت 70 کے قریب شامل تفتیش لوگوں کو بری کردیا گیا۔
