اسلام آباد (مانیٹرنگ ڈیسک)ملک میں کرونا وائرس سے متاثرہ مریضوں کی تعداد 2000ہزار سے زائد ہو گئی ۔ تفصیلات کے مطابق آج بروز منگل کو پاکستان بھر سے کورونا کے مزید 220 کیسز سامنے آئے ہیں ۔ کورونا وائرس سے مزید 3 افراد کے جاں بحق ہونے کے بعد مہلک وائرس سے پاکستان میں ہلاک ہونے والوں کی تعداد 26 ہوگئی

جبکہ متاثرہ افراد کی تعداد بھی 2001 تک جاپہنچی ہے۔پاکستان میں آج بروز منگل اب تک کورونا وائرس کے 220 نئے کیسز سامنے آچکے ہیں جن میں سے سندھ میں 110، گلگت میں 36، خیبرپختونخوا میں 32، پنجاب میں 25، بلوچستان میں 10 اور اسلام آباد میں 7 کیسز سامنے آئے ہیں۔نئے کیسز کی تصدیق کے بعد ملک بھر میں متاثرہ افراد کی تعداد 2001 تک جاپہنچی ہے۔