اسلام آباد(مانیٹرنگ ڈیسک)نوازشریف کے ذاتی معالج ڈاکٹر عدنان نے انکشاف کیا ہے کہ سابق وزیر اعظم کو فالج ہونے کا شدید خطرہ لاحق ہے۔لندن میں نواز شریف کے صاحبزادے حسین نواز کے ہمراہ ڈاکٹر عدنان نے یہ انکشاف پریس بریفنگ کے دوران کیا۔انہوں نے مزید کہا کہ نواز شریف کی طبیعت کو ٹھیک نہیں کہا جاسکتا۔
انہیں فالج ہونے کا شدید خطرہ ہے۔حسین نواز نے کہا کہ والد کے پلیٹ لیٹس نیب کی حراست کے دوران تیزی سے گرے۔ان کا کہنا تھا کہ کسی پر کوئی الزام نہیں لگارہا، رپورٹ آنے پر ہر بات واضح ہوجائے گی، پلیٹ لیٹس متوازن ہونے کے بعد ہی سابق وزیراعظم کو لاحق امراض کا علاج شروع ہوسکے گا۔
