اسلام آباد(مانیٹرنگ ڈیسک)کراچی ڈیفنس سے ایک ہفتہ قبل اغوا ہونیوالی دعا منگی گزشتہ شب گھر پہنچ گئی،نجی ٹی وی کے مطابق مبینہ طورپر ڈیرھ سے دو کروڑ روپے تاوان کی ادائیگی کے بعد دعا منگی کی بازیابی عمل میں آئی۔
دعا گزشتہ شب گھر پہنچیں اور وہ خیریت سے ہے تاہم اہلخانہ نے کسی بھی قسم کی معلومات شیئرکرنے سے گریز کیا۔ واضح رہے کہ دعا منگی کے اغوا کے بعد سندھ حکومت بہت متحرک تھی اور تمام وسائل بروئے کار لائے جارہے تھے۔
