اسلام آباد(مانیٹرنگ ڈیسک) پی ٹی آئی حکومت کے خلاف جعلی خبروں اور نوٹیفکیشنز جاری کرنے کا سلسلہ جاری۔تفصیلات کے مطابق گزشتہ روزمخلتف نجی ٹی وی چینلز نے ملیکہ بخاری کو عمران خان کے قریبی دوست ذلفی بخاری کی ہمشیرہ بنا دیا اور کہا کہ ذلفی بخاری کی بہن کو بے نظیر انکم سپورٹ پرورگرام کی چیئرپرسن تعینات کر دیا گیا ہے۔لیکن ایسی خبروں میں کوئی صداقت نہیں ہے۔ملیکہ بخاری نے اس بات کا اظہار ٹویٹ
کرتے ہوئے کیا اور کہا وہ نہ تو ذلفی بخاری کی بہن ہیں اور نہ ہی انہیں بے نظیر انکم سپورٹ پروگرام کی چیئرپرسن بنایا گیا ہے۔دوسری جانب ۔وفاقی وزیر اطلاعات فواد چوہدری نے بھی غلط خبروں پر سخت برہمی کا اظہار کیا ہے انہوں نے ٹویٹ کرتے ہوئے کہا ہے کہ اس سے قبل ایک میڈیا ڈنر کی تصاویر کو بھی غلط طریقے سے پیش کیا گیا اور اب غلط خبریں پھیلانے کا سلسلہ جاری ہے۔ایسی خبروں کے خلاف ہمیں سختی سے ایکشن لینا ہو گا۔
