صوابی(آن لائن) صوابی میں نامعلوم افراد نے فائرنگ کر کے پختونخوا عوامی ملی پارٹی کے ضلعی صدر فاروق خان کو قتل کر دیا ۔ تفصیلات کے مطابق صوابی کے علاقے زیدہ میں نامعلوم افراد کی جانب سے فائرنگ کی زد میں آ کر پختونخوا عوامی ملی پارٹی کے صوابی کے ضلعی صدر فاروق خان
زندگی کی بازی ہار گئے ۔ پولیس نے لاش کو تحویل میں لے کر باچا خان ہسپتال منتقل کر دیا جہاں ان کا پوسٹمارٹم جاری ہے ۔ تاہم ملزمان فائرنگ کے بعد فرار ہونے میں کامیاب ہو گئے پولیس نے نامعلوم افراد کے خلاف مقدمہ درج کر کے تفتیش شروع کر دی ۔ تاہم ابھی کسی کی گرفتاری عمل میں نہیں لائی گئی ۔
