اسلام آباد (مانیٹرنگ ڈیسک) بھارت نے پاکستان کو نہیں بلکہ عمران خان کی شخصیت کو ٹارگٹ کیا ۔نجی ٹی وی پروگرام میں گفتگو کرتے ہوئے معروف صحافی ڈاکٹر شاہد مسعود کا کہنا ہے کہ بھارت نے برہان وانی کی تصاویر کو ٹارگٹ بنا کر مذاکرات کرنے سے انکار کیا حالانکہ برہان وانی کی تصویر ڈاک ٹکٹ پر 24جولائی کو جاری کی گئی تھی اور اب اس بات کو کئی دن گزر چکے ہیں۔

ڈاکٹر شاہد مسعود کا مزید کہنا تھا کہ بھارت نے پاکستان کو نہیں بلکہ عمران خان کی شخصیت کو ٹارگٹ کیا ہے۔۔بھارت کا کہنا ہے کہ ایک ماہ کے اندر پاکستان کے وزیراعظم عمران خان کا مکروہ چہرہ ہمارے سامنے آ گیا ہے۔جس سے یہ بات واضح ہے کہ بھارت ہمارے ملک کو نہیں بلکہ عمران خان کو ٹارگٹ کر رہا ہے ۔واضح رہے کہ گزشتہ روز بھارتی آرمی چیف کی جانب سے بھی پاکستان کو سنگین دھمکیاں دی گئی تھیں۔

موضوعات:عمران خان