اسلام آباد(مانیٹرنگ ڈیسک) ڈی جی آئی ایس پی آر میجر جنرل آصف غفور کے گزشتہ روز دئیے گئے بیان پر تحریک انصاف کی رہنما شیریں مزاری کی بیٹی ایمان زینب بھی میدان میں آگئیں۔تفصیلا ت کے مطابق ڈی جی آئی ایس پی آر میجرجنر ل آصف غفور نے اپنے بیان میں کہا تھا کہ بھارتی فوج اپنی ملکی سیاست میں گھری ہوئی ہے ۔
جس پر ایمان زینب نے ٹویٹ کرتے ہوئے کہا کہ ”یہ بہتر ہو گاکہ ڈی جی آئی ایس پی آر اپنے الفاظ پر غور کریں ، ہم سب پاکستانی فوج کی سیاست میں مداخلت سے بخوبی آگاہ ہیں ،ہماری سول لیڈر شپ بھارتی بوگس دھمکیوں کا جواب دیں ، ہمیں ضرورت نہیں ہے کہ ڈی جی آئی ایس پی آر بیان جاری کریں، جو کہ وہ ہمیشہ کرتے ہیں ، یہ افسوس کن ہے ۔“
