اسلام آباد(مانیٹرنگ ڈیسک)گزشتہ روز بیگم کلثوم نواز کو سپرد خاک کردیا گیا ، ان کی نماز جنازہ جاتی امرا میں ادا کی گئی جہاں بہت سے جذباتی مناظر دیکھنے میں آئے لیکن سب سے حیران کن صورتحال اس وقت دیکھنے میں آئی جب نیب ریفرنسز میں نواز شریف کے وکیل خواجہ حارث
نماز جنازہ پڑھ کر واپس جانے لگے تو لیگی کارکنان انہیں دعائیں دیتے رہے۔لیگی کارکن خواجہ حارث زندہ باد کے نعرے بھی لگاتے رہے، ایک کارکن نے خواجہ حارث کو دعا کچھ ان الفاظ میں دی، خواجہ صاحب آپ ہمارے لیڈر کا کیس لڑ رہے ہیں، آپ کو ہمارا سلام، آپ کو اللہ ہمت دے۔
