اسلام آباد،وزیراعظم کی زیر صدارت اعلیٰ سطحی اجلاس،آرمی چیف جنرل قمر جاوید باجوہ ، ڈی جی آئی آیس آئی سمیت اہم شخصیات کی شرکت، افغان سے متعلق بڑا فیصلہ کرلیاگیا

اسلام آباد(آن لائن) وزیراعظم عمران خان کی زیر صدارت اعلیٰ سطح کا اجلاس ہوا جس میں آرمی چیف جنرل قمر جاوید باجوہ ، ڈی جی آئی آیس آئی لیفٹینٹ جنرل نوید مختار اور وزیر خارجہ شاہ محمود قریشی سمیت دیگر اعلیٰ حکام نے شرکت کی۔ اجلاس میں دوست ممالک کے ساتھ دو طرفہ تعلقات اور سیکیورٹی امور پر تبادلہ خیال کیا گیا ۔جمعہ کو ترجمان وزیر اعظم آفس کے مطابق عمران خان کی زیر صدارت اعلیٰ سطح کا اجلاس ہوا جس میں آرمی چیف ، ڈی جی آئی ایس آئی اور وزیرخارجہ شاہ محمود قریشی سمیت دیگر اعلیٰ حکام نے شرکت کی ، اجلاس میں دوست ممالک کے ساتھ دو طرفہ تعلقات سیکیورٹی امور اور وزیراعظم کے متوقع دورہ سعودی عرب پر تبادلہ خیال کیا گیا ۔ خطے میں قیام امن کے لئے اقدامات جاری رکھنے پر اتفاق کیا گیا، اجلاس میں افغان مصالحتی عمل سمیت پاک افغان سرحدی امور بھی زیر غور آئے اور اہم فیصلے کئے گئے۔