اسلام آباد(مانیٹرنگ ڈیسک)پے رول پر رہائی کے بعد سابق وزیراعظم نوازشریف ، مریم نواز اور کیپٹن(ر) صفدر  جاتی امراءپہنچ چکے ہیں جہاں جاتی امراءکے تین کمروں کو سب جیل قرار دیدیا گیاہے اور جیل مینول لاگو ہے ۔نجی ٹی وی  کے مطابق نوازشریف کچھ دیر سونے کے بعد اب جاگ گئے ہیں اور اہل خانہ کے لوگوں سے ملاقاتیں کر رہے

ہیں مگر وہ کسی سے کوئی سیاسی بات نہیں کر رہے ۔ جاتی امراءمیں تین کمروں کو سب جیل قرار دیا گیاہے اور وہاں جیل مینول لاگو ہے یعنی وہ جیل اوقات کے مطابق ہی ملاقاتیں کر پائیں گے اور جو بھی ان سے ملاقات کیلئے آئے گا اس کا جیل رجسٹر میں اندراج کیا جائے گا لیکن صرف ان سے  خاندان کے افراد ہی ملاقات کر سکیں گے ۔