اسلام آباد(مانیٹرنگ ڈیسک)وفاقی کابینہ میں توسیع کا امکان، آئندہ ماہ 8سے 10وزرا کابینہ میں شامل کئے جائیں گے، ذرائع۔ نجی ٹی وی رپورٹ کے مطابق وفاقی کابینہ میں توسیع کا امکان ہے اور آئندہ ماہ 8سے 10وزرا کابینہ میں شامل کئے جائیں گے۔ اعلیٰ حکام نے وزیراعظم کو بریفنگ میں بتایا ہے کہ مختلف وزارتوں کے وزیر نہ ہونے کی وجہ سے فیصلہ سازی اور

حکومتی مشینری کے ٹھیک طرح سے کام نہ کرنے کی شکایات سامنے آرہی ہیں جبکہ ای سی سی کے اجلاس میں اہم وزارتوں کے وزیر نہ ہونے کی وجہ سے مسائل درپیش آسکتے ہیں۔ خالی وزارتوں میں مواصلات، فوڈ سکیورٹی و دیگر شامل ہیں۔ نجی ٹی وی ذرائع کے مطابق بریفنگ کے بعد وزیراعظم نے فیصلہ کیا ہے کہ فوری طور پر خالی وزارتوں پر وزرا لائے جائینگے۔

موضوعات:وفاقی کابینہ توسیع