اسلام آباد(مانیٹرنگ ڈیسک)سابق وزیر اعظم نوازشریف کو بین الاقوامی ٹیلیفونک رابطے کی اجازت مل گئی ۔نجی ٹی وی کے مطابق نواز شریف کو اڈیالہ جیل سے لندن فون کرنے کی اجازت مل گئی ہے۔نواز شریف کو دو سے تین منٹ تک صاحبزادے سے ٹیلیفونک گفتگو کرنے کی اجازت دی گئی۔ نوازشریف نے لندن
میں مقیم حسن نواز سے فون پر بات کی۔سرکاری ذرائع کے مطابق نواز شریف کوکلثوم نواز کی صحت سے متعلق با خبر رکھا جاتا ہے۔جب کہ شریف خاندان نے بھی اس بات کی تصدیق کی ہے۔واضح رہے کہ نوازشریف،مریم نواز اور کیپٹن ریٹائرڈ صفدر ایون فیلڈ ریفرنس میں سزا ملنے کے بعد اڈیالہ جیل میں قید ہیں۔
