اسلام آباد (سی پی پی)وفاقی کابینہ کی حلف برداری تقریب میں وفاقی وزراء سے حلف صدرمملکت ممنون حسین لیتے رہے جبکہ عمران خان حلف کے الفاظ ادا کرتے رہے ۔تفصیلات کے مطابق وفاقی کابینہ کی حلف برداری کی تقریب ایوان صدر میں ہوئی جہاں ممنون حسین نے 16 رکنی وفاقی کابینہ سے حلف لیا۔
صدر مملکت اور وفاقی وزرا جیسے ہی حلف کے لیے کھڑے ہوئے تو عمران خان بھی اپنی نشست سے اٹھ کھڑے ہوئے جس پر ان کے پیچھے موجود سکیورٹی اہلکار نے ان کے پاس آکر انہیں بیٹھنے کی ہدایت کی جس پر وہ بیٹھ گئے۔ جس وقت صدر مملکت نے وفاقی وزرا سے حلف لیا تو اس دوران کپتان بھی حلف کے الفاظ دہراتے رہے ۔
