اسلام آباد(آن لائن) وزیر اعظم عمران خان سے پارٹی معاملات پر اختلافات کے پیش نظر عون چودھری کو تقریب حلف برداری میں مدعو نہیں کیا گیا اور انہیں وزیر اعظم ہاؤس سے بھی دور رہنے کی ہدایت کر دی ہے ۔ تفصیلات کے مطابق ہفتے کے روز عمران خان کی حلف برداری کے موقع پر جہاں پارٹی کے تمام اراکین اور دوست سب موجود تھے ۔
وہاں وزیر اعظم عمران خان کے قریبی دوست عون چودھری تقریب سے غائب نظر آئے ۔ وزیر اعظم عمران خان پارٹی معاملات پر عون چودھری سے نالاں ہیں ۔ پارٹی کے دوسرے اراکین کو عون چودھری کے حوالے سے تحفظات رکھتے ہیں جن سے عمران خان کو آگاہ کر دیا گیا ہے جس کی بنا پر عون چودھری کو فی الحال وزیر اعظم ہاؤس سے دور رہنے کی ہدایت کر دی ہے ۔
