اسلام آباد(مانیٹرنگ ڈیسک)عمران خان نے قاسم سوری کو ڈپٹی سپیکر قومی اسمبلی کے عہدے کے لیے نامزد کردیا۔بنی گالہ میں گفتگو کرتے ہوئے قاسم سوری نے کہاکہ ڈپٹی سپیکر کے عہدے کے لیے نامزد کرنے پر عمران خان کا شکرگزار ہوں۔انہوں نے کہا کہ عمران خان بلوچستان کے لوگوں کی محرومیاں
دور کرنے کے لیے پرعزم ہیں، ہم وہاں کے عوام کی محرومیاں دور کریں گے اور صوبے کو قومی دھارے میں لائیں گے۔قاسم سوری کا کہنا تھاکہ بلوچستان کے مسائل کے حل کے لیے عمران خان اور ہماری ٹیم فوکسڈ ہے۔یاد رہے کہ چیئرمین تحریک انصاف نے اسپیکر قومی اسمبلی کے لیے اسد قیصر کو نامزد کیا ہے۔
