کراچی(مانیٹرنگ ڈیسک) ہمارے ملک میں معدنیات کے بے شمار خزانے موجود ہیں لیکن ان کی تلاش کے لیے کام کرنے کی ضرورت ہے، ایک موقر انگریزی روزنامے کی رپورٹ کے مطابق نگران وزیرخارجہ و میری ٹائم افیئرز عبداللہ حسین ہارون نے ایک ایسا خزانہ ملنے کی خوشخبری سنائی ہے کہ اگر نکال لیا گیا تو ہمارے ملک کی تقدیر بدل جائے گی۔
نگران وزیر خارجہ عبداللہ حسین ہارون نے فیڈریشن آف چیمبرز آف کامرس اینڈ انڈسٹری میں کاروباری شخصیات سے خطاب کرتے ہوئے یہ راز بتایا انہوں نے کہا کہ پاک ایران سرحد کے قریب سمندر میں تیل کے بہت بڑے ذخائر کا پتہ چلا ہے جن کا حجم اتنا بڑا ہے کہ ممکنہ طور پر کویت کے تیل کے ذخائر سے بھی بڑا ہو سکتا ہے۔ رپورٹ میں کہا گیا کہ عبداللہ ہارون کے مطابق یہ انتہائی اہم دریافت امریکی تیل اینڈ گیس کمپنی ایکسن موبائل نے کی ہے جو پاکستان میں آف شور ڈرلنگ کے شعبے میں شیئر ہولڈر ہے۔ نگران وزیر خارجہ عبداللہ ہارون نے کہا کہ ایکسن موبائل نے ایران کے بارڈر سے 5 ہزار میٹر کے فاصلے پر پاکستانی سمندری حدود میں کھدائی کی ہے اور توقع ظاہر کی ہے کہ وہاں تیل کے بڑے ذخائر موجود ہیں، تاحال ان ذخائر کے حجم کے متعلق حتمی طور پر معلوم نہیں ہو سکا ہے۔ موقر قومی روزنامے کی رپورٹ کے مطابق نگران وزیر خارجہ نے بتایا کہ حکومت پاکستان ایکسن موبائل سے پہلے ہی ایک جنریشن کمپلیکس کی تعمیر کے منصوبے کی ضمانت لے چکی ہے اور اس منصوبے پر 10 ارب ڈالر لاگت آئے گی، انہوں نے بتایا کہ ہم چین کے علاوہ دیگر مغربی ممالک کے سرمایہ کاروں کو پاکستان لانے اور تیل و گیس کے شعبوں میں سرمایہ کاری کے لیے راغب کر رہے ہیں۔ ہمارے ملک میں معدنیات کے بے شمار خزانے موجود ہیں لیکن ان کی تلاش کے لیے کام کرنے کی ضرورت ہے، ایک موقر انگریزی روزنامے کی رپورٹ کے مطابق نگران وزیرخارجہ و میری ٹائم افیئرز عبداللہ حسین ہارون نے ایک ایسا خزانہ ملنے کی خوشخبری سنائی ہے کہ اگر نکال لیا گیا تو ہمارے ملک کی تقدیر بدل جائے گی۔
