اسلام آباد(آئی این پی)شریف خاندان کیخلاف گھیرا مزید تنگ کردیا گیا ،نگراں حکومت نے مسلم لیگ (ن)کے قائد نواز شریف کے بیٹوں حسن نواز اور حسین نواز کے ریڈ وارنٹ کیلئے انٹرپول سے رابطہ کرلیا۔نگراں حکومت نے سابق وزیراعظم نواز شریف کے بیٹوں کی گرفتاری کیلئے شکنجہ کس لیا،حسن اور حسین نواز کے ریڈوارنٹ کیلئے انٹرپول کو خط لکھ دیا۔
وزارت داخلہ سے منظوری کے بعد ایف آئی اے نے فرانس میں انٹرپول کے ہیڈ کوارٹرز کو درخواست بھیج دی۔خط میں بتایا گیا ہے کہ حسن نواز اور حسین اشتہاری ہیں،پاکستانی عدالت دائمی وارنٹ جاری بھی کرچکی ہے،انٹرپول بھی ریڈ وارنٹ جاری کرے۔اسلام آباد کی احتساب عدالت نے ایون فیلڈ ریفرنس میں حسن اور حسین نواز کواشتہاری قرار دیتے ہوئے وارنٹ گرفتاری جاری کئے تھے۔
