اسلام آباد(سی پی پی)پاکستان تحریک انصاف کے چیئرمین عمران خان نے انتہائی شاندار اعلان کرتے ہوئے کہاہے کہ خود پروٹوکول لوں گا اور نہ ہی کسی کو لینے دوں گا ، عوام کے ٹیکس کے پیسوں کا میں خود محافظ ہوں ۔نجی ٹی وی نے ذرائع کے حوالے سے کہاہے کہ عمران خان نے پارٹی رہنماؤں سے گفتگو کے دوران یہ واضح کر دیاہے۔
وہ خود بھی پروٹوکول نہیں لیں گے اور نہ ہی کسی کو لینے دیں گے جبکہ وزیراعظم ، وفاقی وزرااور صوبائی وزراکا پروٹوکول کم سے کم رکھنے کی ہدایت کی گئی ہے ۔ذرائع پی ٹی آئی کا کہنا تھا کہ عمران خان خود وزیراعظم ہاؤس میں نہیں بلکہ منسٹر انکلیو کے سپیکر ہاؤس میں قیام پر غور کر رہے ہیں ،جبکہ وزراعمران خان کے ایس او پی کے پابندہوں گے۔
