کراچی (این این آئی) پاکستان تحریک انصاف کے رہنما جہانگیر ترین نے عام انتخابات کے نتائج کے بعد متحدہ قومی موومنٹ کے کنوینر خالد مقبول صدیقی سے ٹیلیفونک رابطہ کیاہے جس دوران ایم کیوایم نے پی ٹی آئی کو گرین سگنل دیدیاہے اور متحدہ نے حکومت سازی کیلئے مل بیٹھ کر بات کرنے پر آمادگی کا اظہار کیا ۔میڈیا رپورٹ کے مطابق خالد مقبول صدیقی نے کہاکہ جہانگیر ترین نے فون کر کے ملاقات
کی دعوت دی ہے ، تحریک انصاف سے ملاقات کا فیصلہ رابطہ کمیٹی کریگی ۔خالد مقبول کے مطابق ٹیلیفونک گفتگو کے دوران جہانگیر نے کہا کہ کراچی میں ہم دونوں کی نمائندگی ہے ،دونوں جماعتوں میں اتفاق ہو اہے کہ مل بیٹھ کر بات کی جاسکتی ہے ۔ خالد مقبول کا کہناتھا کہ جہانگیر ترین سے کہاہے کہ بات چیت کیلئے ہمارے دروازے کھلے ہیں ، آپ کو مینڈیٹ ملا ہے تو کراچی کیلئے کام کریں
