اسلام آباد(مانیٹرنگ ڈیسک)اکثریت ہمارے ساتھ ، حکومت ہم بنائیں گے ، تحریک انصاف نے پنجاب میں بھی حکومت بنانے کا واضح اور دو ٹوک اعلان کر دیا۔ تفصیلات کے مطابق وفاق میں اکثریت حاصل کرنے کے بعد پنجاب میں میں بھی تحریک انصاف نے حکومت بنانے کا واضح اور دو ٹوک اعلان کرتے ہوئے کہا کہ ن لیگ پنجاب میں بھی اپوزیشن میں بیٹھے گی۔ تحریک انصاف کے رہنما نعیم الحق نے میڈیا سے گفتگو کرتے ہوئے اس بات کا اعلان کرتے ہوئے کہا کہ پنجاب میں تحریک انصاف ہی حکومت بنائے گی ،
نعیم الحق نے دعویٰ کیا ہے کہ اکثریت ان کے پاس ہے لہٰذا وہ پنجاب میں بھی حکومت بنائیں گے اور اس حوالے سے انہیں پیپلزپارٹی سے حکومت سازی کیلئے رابطے کی ضرورت نہیں۔ نعیم الحق کا کہنا تھا کہ دھاندلی کے الزامات والا ہر حلقہ کھلوانے کیلئے تیار ہیں۔ دوسری جانب تحریک انصاف کے مرکزی ترجمان فواد چوہدری کا کہنا تھا کہ پی ٹی آئی نے حکومت سازی کیلئے وفاق میں پیپلزپارٹی سے رابطہ نہ کرنے کا فیصلہ کیا ہے۔ ان کا کہنا تھا کہ وفاق میں ہمارے پاس حکومت بنانے کیلئے مطلوبہ اراکین موجود ہیں۔
