اسلام آباد(مانیٹرنگ ڈیسک)خانیوال سے پاکستان تحریک انصاف کے مضبوط امیدوار رضا حیات ہراج کو آزاد امیدوار اور پرانے پارلیمنٹیرین سید فخر امام نے شکست دے دی ۔غیر سرکاری اور غیر حتمی نتائج کے مطابق قومی اسمبلی کی نشست این اے 150خانیوال سے آزاد امیدوار سید فخر امام نے 82 ہزار 595 ووٹ حاصل کر کے تحریک انصاف کے امیدوار رضا حیات ہراج کو شکست دے دی۔

رضا حیات ہراج 71 ہزار 34 ووٹ حاصل کرسکے۔اس فتح کے ساتھ ہی فخر امام 20 سال کے طویل عرصے بعد ایک بار پھر ممبر قومی اسمبلی بننے میں کامیاب ہو گئے ہیں ۔واضح رہے کہ سید فخر امام جھنگ کی مشہور سیاستدان سیدہ عابدہ حسین کے شوہر اور  صغری امام کے والد ہیں۔