فیصل آباد (نیوز ڈیسک) قومی اسمبلی کے حلقہ این اے 106 فیصل آباد میں مسلم لیگ (ن) کے رانا ثناء اللہ اور تحریک انصاف کے نثار احمد جٹ کے درمیان مقابلہ تھا، جس کے اب تک موصول ہونے والے غیر حتمی اور غیر سرکاری نتائج کے مطابق مسلم لیگ (ن) کے رانا ثناء اللہ شکست کھا رہے ہیں اور تحریک انصاف کے نثار احمد جٹ برتری حاصل کیے ہوئے ہیں، مسلم لیگ (ن) کے رہنما رانا ثناء اللہ کو اپنے ہی گھر میں بدترین شکست کا
سامنا کرنا پڑ رہا ہے، رانا ثناء اپنے ہی ہوم پولنگ سٹیشن سے شکست کھا گئے ہیں، جیسے ہی ان کی شکست کی خبر پولنگ سٹیشن سے باہر آئی تو مسلم لیگ (ن) کے کارکن مشتعل ہو گئے، ان مشتعل لیگی کارکنوں نے پولنگ سٹیشن پر حملہ کر دیا اور توڑ پھوڑ شروع کر دی، واضح رہے کہ اس حلقے سے تحریک انصاف کے رہنما نثار جٹ ن لیگ چھوڑ کر تحریک انصاف میں شامل ہوئے ہیں اور وہ اب تک کے آنے والے غیر حتمی نتائج کے مطابق برتری حاصل کئے ہوئے ہیں۔