اسلام آباد (نیوز ڈیسک) انتخابات 2018ء کے نتائج کی آمد کا غیر سرکاری اور غیر حتمی نتائج کی آمد کا سلسلہ جاری ہے، ان نتائج میں پاکستان تحریک انصاف برتری حاصل کئے ہوئے ہیں جبکہ پاکستان مسلم لیگ (ن) دوسری پوزیشن پر آتی ہوئی نظر آ رہی ہے، اس تمام صورتحال کو دیکھتے ہوئے مسلم لیگ (ن) کے مرکزی سیکرٹریٹ
میں سناٹا چھایا ہوا ہے۔ پاکستان تحریک انصاف اب تک کے سامنے آنے والے نتائج کے مطابق 112 سیٹوں پر برتری حاصل کیے ہوئے ہے جبکہ پاکستان مسلم لیگ (ن) کی اب تک 52 سیٹوں پر برتری برقرار ہے جبکہ دوسری جانب پاکستان تحریک انصاف کے مرکزی سیکرٹریٹ میں گہما گہمی اور اس کے کارکن جشن منانا شروع ہو گئے ہیں۔
